शिर्डी प्रतिनिधी ( संजय महाजन ) :
शिर्डी येथे मुंबई भाजपाचे अध्यक्ष आशिष शेलार यांनी आज मंगळवारी भेट देऊन श्री साईबाबांचे दर्शन घेतले. आज मंगळवारी मुंबई भाजपाचे अध्यक्ष आशिष शेलार हे शिर्डीला आले. त्यांचे शिर्डीतील व जिल्ह्यातील भाजपा कार्यकर्त्यांनी जोरदार स्वागत केले. आशिष शेलार यांनी श्री साईबाबांच्या समाधी मंदिरात जाऊन दुपारी दर्शन घेतले.
आशिष शेलार यांचा शिर्डी भाजपातील कार्यकर्त्यांकडून पदाधिकाऱ्यांकडून सत्कार करण्यात आला. मुंबई महानगरपालिकेची निवडणूक लवकरच लागणार असून या पार्श्वभूमीवर मुंबई भाजपाचे अध्यक्ष आशिष शेलार यांनी शिर्डीला भेट देऊन श्री साईबाबांचे दर्शन घेऊन मनोमन मुंबई महानगरपालिका भाजपाच्या ताब्यात येऊ दे ! असे जणू श्री साई चरणी साकडे घातले अशी चर्चाही होत होती. आशिष शेलार यांनी उपस्थित सर्व कार्यकर्त्यांना दिवाळीच्या शुभेच्छा दिल्या.
यावेळी भाजपाचे व भारतीय युवा मोर्चाचे योगेश गोंदकर, किरण बोऱ्हाडे, विक्रांत पाटील, आदी सह कार्यकर्ते, पदाधिकारी मोठ्या संख्येने उपस्थित होते.
