भोकर प्रतिनिधी:
श्रीरामपूर तालुक्यातील भोकर शिवारात श्रीरामपूर - नेवासा राज्यमार्गावर येथे ऊस वाहतुक करणारा ट्रेलर व मोटारसायकल अपघातात घोगरगाव येथील अनिल शिरसाठ नावाचा तरूण गंभीर जखमी झाला. जखमीस परीसरातील नागरीकांनी रूग्णालयात रवाना असून त्याचेवर प्रवरा हॉस्पीटल मध्ये उपचार सुरू आहेत. या प्रकरणी तालुका पोलीसांत उशीरापर्यंत गुन्हा दाखल नव्हता.
भोकर शिवारात श्रीरामपूर - नेवासा राज्यमार्ग क्र. 44 वर सोमवार दि.25 मार्चच्या रात्री आठ वाजेच्या सुमारास भोकर शिवारातील गायकवाड वस्ती जवळ राज्यमार्गाने अशोकनगर कडे जात असलेल्या ऊस वाहतुक ट्रेलरला नेवासा तालुक्यातील घोगरगाव शिवारातील अनिल दत्तात्रय शिरसाठ (वय-27) हा त्याचे जवळील मोटार सायकल क्र.एम एच 17 ए एल 2992 हिने श्रीरामपूरकडे जात असताना समोरच्या वाहनाचा अंदाज न आल्याने ऊस वाहतुक करणार्या ट्रेलरला पाठीमागुन जोराची धडक झाली. या अपघातात मोआरसायकलचे मोठ्या प्रमाणात नुकसान झाले.
या वेळी मोठा आवाज झाल्याने लगतचे अनेक जण धावले त्यावेळी अनिल हा राज्य मार्गावर पडलेला होता व त्याची मोटारसायकल ट्रेलरच्या पाठीमागुन गुंतलेली बघीतली. येथील नागरीकांनी लागलीच 108 क्र. डायल करत रूग्णवाहीका पाचारण करून गंभीर जखमी अनिल शिरसाठी यांना उपचारासाठी श्रीरामपूरकडे रवाना केले श्रीरामपूरच्या साखर कामगार रूग्णालयातून त्यांना प्रवरा मेडीकल ट्रस्टमध्ये उपचारासाठी दाखल करण्यात आले. त्यांचेवर उपचार सुरू असून त्यांची तब्बेत सुधारत असल्याचे नातेवाईकांनी सांगीतले.
जखमीस रूग्णालयात हलविण्यासाठी येथील सोसायटीचे माजी चेअरमन सागर शिंदे, आकाश शिंदे, श्री.चवरे आदिंसह उपस्थीतांनी सहकार्य केले. याप्रकरणी उशीरापर्यंत श्रीरामपूर तालुका पोलीसांत गुन्हा दाखल नव्हता.
श्रीरामपूर - नेवासा राज्यमार्गावर भोकर शिवारात ऊस वाहतुक करणार्या ट्रेलर शी धडक झाल्यानंतर त्या ट्रेलरला लटकलेली मोटार सायकल छायाचित्रात दिसत आहे. (छाया- चंद्रकांत झुरंगे)
*पत्रकार चंद्रकांत झुरंगे - भोकर
*सहयोगी* स्वाभिमानी संपादक सेवा संघ
*संकलन
समता न्यूज नेटवर्क,श्रीरामपूर - 9561174111
