राहाता प्रतिनिधी:
ओम साई विकास प्रतिष्ठान व बी.बी.सी.फिल्म प्रोडक्शन निर्मित यांच्या संयुक्त विद्यमाने दिला जाणारा या वर्षीचा मान - सन्मान व प्रतिष्ठेचा असा आंतरराष्ट्रीय पातळीवरील साई कलारत्न समाजभूषण पुरस्कार २०२४ हा नुकताच बुलढाणा जिल्ह्यातील मेहकर येथील श्री बालाजी अर्बनचे अध्यक्ष व दैनिक विदर्भ सत्यजित या वृत्तपत्राचे कार्यकारी संपादक यौगेश सौभागे यांना जाहीर करण्यात आला आहे.
यौगेश सौभागे यांचे उपेक्षित तथा दुर्लक्षित समाज घटकास नेहमीच विशेष मोलाचे भरीव असे योगदान लाभलेले आहे. सामाजिक,धार्मिक सांस्कृतिक कार्यक्रमात त्यांचा नेहमीच हिरिरिने सहभाग हा प्रथम आणी अग्रस्थानी असतो.नवपिढीला योगदान, प्रोत्साहन, मदत समाजातील विविध घटकांना सातत्याने त्यांची खंबीरपणे साथ असते. विविध सामाजाभिमुख नाविन्यपूर्ण उपक्रम राबवून यौगेश सौभागे यांनी समाजात एक बहुआयामी व्यक्तिमत्त्व म्हणून मान मिळविलेला आहे.
श्री बालाजी अर्बन चे ते अध्यक्ष असून दैनिक विदर्भ सत्यजीत या वृत्तपत्राचे कार्यकारी संपादक आहेत.समाजास त्यांचे भरीव योगदान लाभले आहे,
आपल्या परोपकारी स्वभावामुळे सामाजात एक प्रभावी ओळख त्यांनी निर्माण केलेली आहे. त्यांच्या याच उल्लेखनीय कार्य कर्तुत्व आणि भरीव कामगिरीची दखल घेवून आंतराराष्ट्रीय पातळीवरील सदरील पुरस्कारासाठी त्यांची निवड केली आहे. सदर पुरस्कार आणि गौरव सोहळा हा शुक्रवार दि.३ मे २०२४ रोजी तालुक्यातील जागतिक दर्जा असलेले जगद्गुरु श्री साईबाबाजींचे पवित्र तिर्थक्षेत्र असलेल्या श्रीक्षेत्र शिर्डी शहरात संपन्न होणार असून,या पुरस्कार गौरव सोहळ्यास प्रमुख उपस्थिती म्हणून पुणे येथील प्रसिद्ध चित्रपट दिग्दर्शक,निर्माता आणि अभिनेते काळुराम ढोबळे व देशातील नामांकित म्हणून असलेल्या नागपूर येथील सावी उर्फ सोनी वासनीक मॅडम तसेच लोणी प्रवरा येथील समाजभूषण उत्तम काका घोगरे पाटील व औरंगाबाद येथील प्रसिद्ध रोड कॉन्ट्रॅक्टर तथा चित्रपट निर्माता सतिष खांडविकर यांच्या शुभ हस्ते हा उत्कृष्ट असा आंतरराष्ट्रीय पातळीचा समाजभूषण २०२४ पुरस्कार मान - सन्मानाने योगेश सौभागे यांना पुरस्कार प्रदान करण्यात येणार आहे.
पुरस्कार सोहळा निवड पत्र हे पुरस्कार सन्मान सोहळा समितीचे अध्यक्ष सुदाम संसारे यांनी यौगेश सौभागे यांना अधीकृतरित्या निमंत्रण म्हणून पुरस्कार स्विकारण्यासाठी दिले आहे, यौगेश सौभागे यांना जाहीर झालेल्या या पुरस्कारबद्दल विविध क्षेत्रांतून त्यांचे अभिनंदन केले जातं आहे.
*पत्रकार अजीजभाई शेख - राहाता
*सहयोगी स्वाभिमानी संपादक सेवा संघ
*संकलन
समता न्यूज नेटवर्क,श्रीरामपूर - 9561174111
