संजय सोनवणे यांची माढा लोकसभा मतदार संघांमध्ये सभा होणार - जिल्हाध्यक्ष महेंद्र जाधव.
इंदापूर: महाराष्ट्र रिपब्लिकन पक्ष यांच्या वतीने दिनांक २९ मार्च २०२४ रोजी महाराष्ट्र रिपब्लिकन पक्षाचे संस्थापक अध्यक्ष पक्षप्रमुख संजय सोनवणे यांच्या प्रमुख उपस्थितीमध्ये माढा लोकसभा मतदारसंघांमध्ये "परिवर्तन महासभा" व कार्यकर्ता महामेळावा आयोजित करण्यात आला असल्याची माहिती महाराष्ट्र रिपब्लिकन पक्षाचे सोलापूर जिल्हा अध्यक्ष महेंद्र जाधव यांनी दिली
यामध्ये माढा लोकसभा मतदारसंघात लोकशाहीचा जागर करण्यासाठी , लोकशाही वाचवण्यासाठी , संविधान समर्थनार्थ माढा मध्ये महाराष्ट्र रिपब्लिकन पक्ष यांच्या वतीने कार्यकर्ता मेळावा घेऊन माढा लोकसभा निवडणूक लढविण्यासाठी चाचपणी करून कार्यकर्त्यांची मतं जाणून घेण्यासाठी माढा मतदारसंघातून लोकसभेची निवडणूक महाराष्ट्र रिपब्लिकन पक्षाच्या वतीने लढवण्याची शक्यता वर्तवण्यात येणार आहे. यासाठी महाराष्ट्र रिपब्लिकन पक्षाच्या वतीने परिवर्तन महासभेचे आयोजन करण्यात आलेले आहे. या अनुषंगाने महाराष्ट्र रिपब्लिकन पक्षाच्या माढा मतदारसंघातील तमाम कार्यकर्ते , पदाधिकारी यांना कळवून सर्वांनी मोठ्या संख्येने या कार्यक्रमाला उपस्थित राहण्याचे आवाहन केले आहे.ही सभा दुपारी ३ वाजता करमाळा (एसटी स्टँड समोर) विकी मंगल कार्यालय ता करमाळा जि.सोलापूर.दुसरी सभा सायंकाळी ५ वाजता
रोटरी क्लब हॉल टेंभुर्णी जिल्हा सोलापूर. येथे होणार आहे अशी माहिती सोलापूर जिल्हा अध्यक्ष महेंद्र जाधव यांनी दिली.
