राहाता प्रतिनिधी:
माणसाला समाजाप्रती आपल्या कार्य क्षेत्रांत एका चंदना सारखं झिजाव लागतं.रात्र दिवस संघर्ष करून तिळभर ही स्वःताचा स्वार्थ न साधता. शोषित,वंचित ,पिडीत, शेतकरी कष्टकरी ,गोर गरीब, कामगार, रोज मजूर शैक्षणिक, सामाजिक ,सांस्कृतिक क्रीडा विद्यार्थी वर्ग तसेच प्रत्येक घटकातल्या माणसांच्या व्यथा आणि भावना समजून घ्याव्या लागतात, त्यांच्या दुःखात फक्त सहभागी न होता त्यांच दुःख हे आपलं दुःख समजून त्यांच्या न्याय हक्कासाठी लढावं लागतं . मान ,अपमान सहन करून केवळ समाजांचे हीत अनं कार्य चिरंतर करावं लागतं.स्वत: मागे राहून दिन दुबळ्यांना पुढे जाता येईल यासाठी धडपड करावी लागते, त्यांच्यासाठीच सतत प्रयत्न करावे लागतात.शुन्यातून विश्व निर्माण करावं लागतं, प्रत्येकांच्या मनाचं समाधान होई प्रर्यंत कष्ट करावे लागतात.जेव्हां दुःखीतांना मदत करून त्यांच्या चेहऱ्यावर आपल्यामुळे हसू उमटतं,तेव्हाच समाजात माणसालाही श्रेष्ठ किंमत प्राप्त होते. आणि योग्य कार्य कर्तृत्वाचा सन्मान म्हणून समाजभूषण ही उपाधी माणसाला बहाल होते.अशीच एक समाजभूषण ही श्रेष्ठ उपाधी बहाल झालेले बुलढाणा जिल्ह्याच्या मेहकर शहरातील लेखणी संघर्षाचे एक लढाऊ व्यक्तीमत्व असलेले उद्धव फंगाळ होय ,
यांच्या समाजाप्रती असलेल्या उल्लेखनीय कामगिरीची आणि कार्याची दखल घेवून त्यांचे दैदिप्यमान वास्तव कार्य पाहून ओम साई विकास प्रतिष्ठान व
बी.बी.सी.फिल्म प्रोडक्शन निर्मिती यांच्या संयुक्त विद्यमाने दिला जाणारा २०२४ या वर्षीचा अतिशय मान सन्मानाचा उत्कृष्ट असा आंतरराष्ट्रीय पातळीवरचा
साई कलारत्न समाजभूषण पुरस्कार २०२४ हा नुकताच त्यांना जाहीर झाला आहे. समाजभूषण म्हणून त्यांचे कार्य असे की, संघर्षाचे अष्टपैलू व्यक्तिमत्त्व उद्धव फंगाळ गेल्या तीस वर्षांपासून प्रत्रकारीता क्षेत्रात पत्रकार, संपादक म्हणून काम करत आहेत, सदरील काम करत असताना, एक निष्ठ राहून दुःखीतांच्या ,शोषितांच्या कष्टकरी कामगार ,शेतकरी ,बळीराजांच्या पाठीशी त्यांची लेखणी समक्षपणे आणि ठामपणे उभी राहीली. वास्तव भावना गोरगरीब जनतेच्या आवाजाला त्यांनी योग्य न्याय मिळवून देण्याचे काम केले . समाजातील विविध घटकांना विषयांना त्यांनी वेळोवेळी जनतेसमोर मांडले . प्रत्येकाला मदत योग्य न्याय मिळवून देण्याची भुमीका त्यांनी पार पाडली.प्रत्येक क्षेत्रातील गाढा अभ्यास यासह दांडगा अनूभव त्यांना आहे. नंतर पत्रकारिता क्षेत्रात असेच पत्रकार ,संपादक म्हणून काम करतं असताना.त्यांनी आपले स्वतःचे एक दैनिक वृत्तपत्र सुरू केले एका नव्या युगाला प्रारंभ आणि सुरुवात केली,ज्यांचे नाव अल्पावधीतच महाराष्ट्र राज्यात लोकप्रिय झाले दैनिक साईसंध्या ( बुलढाणा आवृती) आणि दैनिक विदर्भ सत्यजीत या वृत्तपत्रांचे सिद्धहस्त संपादक उद्धव फंगाळ म्हणून ते चर्चेत आणि प्रसिद्धीस आले .कारण त्यांचे कार्य हे पहिल्यापासूनच समाजाप्रती उल्लेखनीय होते व आहेत आणि त्यापेक्षा जास्त वर्तमानात आणखी भरीव होतं गेले.
त्यांची प्रतिमा आणि प्रतिभा ह्या दोन्हीं ही शब्दांत मावणाऱ्या नाहीत. दैनिक साईसंध्या, विदर्भ सत्यजीत हे वर्तमानपत्र चालवत असतांना शोषित, वंचित, पिडित, गोरं ,गरीब शेतकरी ,कष्टकरी, कामगार यांच्या पाठीशी त्यांची लेखणी आधीचं उभी होती आणि राहीली ही.आपल्या मागे कुणी राहू नये म्हणून सर्वांना पुढे नेणारा हा संपादक अवघ्या महाराष्ट्रातून माणसे जोडत गेला. सामाजिक, राजकीय, शैक्षणिक सांस्कृतिक क्षेत्रांत आपला ठसा उमठवत गेला. तशी आर्थिक परिस्थिती खूपच बिकट त्यावर संकटे हजारो आले, कुणी साथ दिली, कुणी सोडून गेले, परंतु कुठेही न डगमगता, हार न मानता, खंबीर नेतृत्व करत, संघर्ष करत उद्धव फंगाळ यांनी कष्टांतून हे अवघे नंदनवन उभारले आहे. अनेकांच्या लेखणीला वाव देऊन त्यांनी सर्वांना पुढे नेले आहे, मोठे केले आहे, जे आज खूप मोठे झालेत. स्पष्टवक्तेपणा सत्य वाणी, निर्भिड कार्य, गरजूंना मदत,सर्वांना समान संधी देऊन ते आपली कामे करत आहेत. पत्रकार, संपादक म्हणून आपली रोखठोक भुमिका बजावताना ते आज शेकडो प्रतिनिधींना एकत्र करून सामाजिक सलोखा जपत आहेत. त्यांचे हे कार्य त्यांचा हा संघर्ष एक अलैकिक प्रेरणा घेण्या सारखा आहे .सहजासहजी व्यक्तीमत्व घडतं नसतं स्वतःचा स्वार्थ न साधता सर्वांना मोठे करणे ,त्यांना जगात मानाचं स्थान प्राप्त करुन देणे,प्रसिद्ध करणे हे कोणालाही करता येत नाही. बुद्ध, फुले ,शिव, शाहू आंबेडकरी विचारांचा वसा वारसा पुढे नेत. महाराष्ट्रात कणखर दमदार निर्भिड वर्तमानपत्र चालवून राज्य आणि देशांसाठी आपले कार्य करत राहणे, कोणताही स्वार्थ न बाळगणे हाच उद्धव फंगाळ यांचा उदात्त हेतू आहे.आरशा सारखे आपले प्रतिबिंब स्वच्छ ठेवून कधीच गर्व,अहंकार न बाळगता साधी राहणीमान परंतु उच्च विचारसरणी जोपासून त्यांनी नेहमीच सर्वांना मोठे केले आहे. जनहितार्थ राज्याच्या अगदी ग्रामीण भागातही आपले वर्तमानपत्र पोहचवून सकाळ आणि सायंकाळी ते ताजे वृत्त वाचणात आनून देत आहेत. वंचितांच्या दुःखाला न्याय मिळवून देणे हे श्री.फंगाळ यांच्या दैनिकांचे वैशिष्ट्य आहे.वर्तमान चालू घडामोडी सांयदैनिक साईसंध्या वृत्तपत्रात प्रसिद्ध करून सदैव तत्पर वार्तांकन ते देत असतात.कोणाचही मन न दु:खवता योग्य मार्गदर्शन करत संपादक श्री.फंगाळ सर्वांना सोबत घेऊन काम करतात हे त्यांचे मोठेपण आहे. साहित्यिकांना हक्कांचे व्यासपीठ उपलब्ध करून रोजच्या अंकांत आध्यात्मिक लेख,कविता, वाचकांसाठी प्रकाशित होतात. सध्या सोशल मिडिया खुप मोठ्या प्रमाणावर विस्तारलेली आहे. व्हिडिओ चित्रफीत वार्तांकन युट्यूबवर चालू घडामोडी विशेष वार्तांकन मिडीया स्वरूपात प्रत्येका पर्यंत त लाईव्ह बातमी म्हणून ते पोहचवत आहेत. श्री.फंगाळ यांच्या समाजाप्रती असलेल्या याचं उल्लेखनीय गौरवशाली कार्य कर्तृत्वाची दखल घेवून आंतराराष्ट्रीय पातळीवरचा साई कलारत्न सामाजभूषण पुरस्कार २०२४ साठी त्यांची निवड केली आहे .सदर पुरस्कार आणि गौरव सोहळा हा शुक्रवार दि.३ मे २०२४ रोजी जागतिक दर्जा असलेल्या तालुक्यातील श्री साईबाबाजींच्या पवित्र तिर्थक्षेत्र असलेल्या श्रीक्षेत्र शिर्डी शहरात पार पडणार असून.पुरस्कार गौरव सोहळ्यास प्रमुख उपस्थिती म्हणून पुणे येथील प्रसिद्ध चित्रपट दिग्दर्शक निर्माता आणि अभिनेते काळुराम ढोबळे व देशातील नामांकित म्हणून असलेल्या नागपूर येथील सावी उर्फ सोनी वासनीक मॅडम,तसेच लोणी प्रवरा येथील समाजभूषण उत्तम काका घोगरे पाटील व औरंगाबाद येथील प्रसिद्ध रोड काँट्रेक्टर व चित्रपट निर्माते सतिष खांडविकर यांच्या शुभ हस्ते हा उत्कृष्ट असा आंतरराष्ट्रीय पातळीचा समाजभूषण २०२४ पुरस्कार मान सन्मानाने कार्य गौरव यथोचित सत्कार सम्मान करून उद्धव फंगाळ यांना प्रदान करण्यात येणार आहे.पुरस्कार सोहळा निवड पत्र हे पुरस्कार सन्मान सोहळा समिती अध्यक्ष सुदाम संसारे यांनी उद्धव फंगाळ यांना अधीकृतरित्या निमंत्रण म्हणून पुरस्कार स्विकारण्यासाठी दिले आहे.समाजभूषण म्हणून दिला जाणारा आंतरराष्ट्रीय पातळीचा २०२४ हा उत्कृष्ट असा पुरस्कार मेहकर येथील समाजभूषण उद्धव फंगाळ यांना जाहीर झाला असून सामाजिक राजकीय सांस्कृतिक शैक्षणिक प्रत्रकारीता तसेच विविध क्षेत्र आणि राज्याच्या काना- कोपऱ्यातून उद्धव फंगाळ यांच्यावर अभिनंदनाचा वर्षाव होतं आहे.
*पत्रकार अजीजभाई शेख - राहात
*सहयोगी* स्वाभिमानी संपादक सेवा संघ
*संकलन
समता न्यूज नेटवर्क,श्रीरामपूर - 9561174111
