पडस्थळच्या सोहम मारकडची जवाहर नवोदय विद्यालयसाठी निवड.
इंदापूर:- जिल्हा परिषद प्राथमिक शाळा पडस्थळ (ता. इंदापूर )येथील सोहम नवनाथ मारकड या विद्यार्थ्याची जवाहर नवोदय विद्यालय शिक्रापूर येथे निवड झाली आहे. जानेवारी महिन्यामध्ये झालेल्या परीक्षेचा निकाल काल जाहीर झाला त्यामध्ये तो उत्तीर्ण झाला.निवड चाचणीसाठी शाळेचे मुख्याध्यापक रमेश जाधव, सहशिक्षक सुरेश घोळवे, संतोष हेगडे यांनी मार्गदर्शन केले होते.
या निवडीबद्दल पंचायत समिती इंदापूरचे गटशिक्षणाधिकारी अजिंक्य खरात यांनी सोहम मारकड व मुख्याध्यापक रमेश जाधव यांचा सन्मान करून पुढील वाटचालीस शुभेच्छासह मार्गदर्शन केले.
यावेळी आपल्या मनोगत मध्ये खरात म्हणाले की, जि.प.पडस्थळ शाळेने सातत्याने गुणवत्तापूर्ण शिक्षणासाठी विद्यार्थ्यांना मार्गदर्शन केले आहे. सामाजिक, सांस्कृतिक, शारीरिक स्पर्धात्मक शिक्षणाकडे नेहमीच शाळेने लक्ष दिले आहे. विविध स्पर्धांमध्ये विद्यार्थ्यांनी सहभाग नोंदवून गुणवत्ता यादीत स्थान मिळवले आहे. शिक्षकांसोबतच गावकऱ्यांनाही त्यांचे धन्यवाद दिले. गावकऱ्यांनी देखील सोहम मारकडचा सत्कार करून शुभेच्छा दिल्या. यावेळी रघुनाथ बोंगाणे सर, गणेश गव्हाणे, तुळशीराम बोंगाणे, नवनाथ मारकड आदी उपस्थित होते.
