श्रीरामपूर प्रतिनिधी:
तालुक्यातील अशोकनगर येथील अशोक महाविद्यालयाचा माजी विद्यार्थी असलेल्या शुभम पटारे याने प्रो कब्बड्डी स्पर्धेत हरियाणा स्टिलर्स संघास आपल्या उत्तम खेळाने उपविजेतेपद मिळवून दिले. शुभमच्या नेञदिपक कामगिरीने श्रीरामपूर तालुक्याच्या नावलौकीकात भर पडल्याचे प्रतिपादन माजी आ.भानुदास मुरकुटे यांनी केले.
अशोक उद्योग समुहाच्या वतीने टाकळीभान येथील शुभम पटारे याचा सत्कार करण्यात आला. शुभम पटारे हा अशोक महाविद्यालयाचा माजी विद्यार्थी आहे. त्याने आपल्या नेञदिपक कामगिरीने हरियाणा स्टिलर्स संघास रौप्यपदक मिळवून दिले. त्याच्या या कामगिरीबद्दल त्याचा व त्याचे वडील श्री.अनिल पटारे यांचा अशोक उद्योग समुहाच्यावतीने माजी आ.भानुदास मुरकुटे यांचे हस्ते सत्कार करण्यात आला. याप्रसंगी अशोक कारखान्याचे माजी चेअरमन ज्ञानदेव साळुंके, संचालक कोंडीराम उंडे, हिम्मतराव धुमाळ, यशवंत रणनवरे, संचालिका सौ. मंजुश्रीताई मुरकुटे, माजी व्हा. चेअरमन दत्ताञय नाईक, कारेगाव भागचे संचालक शिवाजी शिंदे, कार्यकारी संचालक संतोष देवकर, संचालक मंडळाचे सदस्य आदी उपस्थित होते.
*पत्रकार राजू मिर्जा
ब्युरो चीफ - नाशिक विभाग
स्वाभिमानी संपादक सेवा संघ
*संकलन
समता न्यूज नेटवर्क,श्रीरामपूर - 9561174111
