*गौराईमळा शाळेत हर घर तिरंगा उपक्रमाचे आयोजन*
इंदापूर: जिल्हा परिषद प्राथमिक शाळा गौराईमळा शाळेत स्वातंत्र्या चा अमृत महोत्सव अंतर्गत हर घर तिरंगा उपक्रमाचे आयोजन करण्यात आले. जि. प. पुणे व पंचायत समिती इंदापूर यांच्या संदर्भीय पत्रानुसार या उपक्रमाचे आयोजन करण्यात आले. त्यानुसार आज दिनांक 10 ऑगस्ट-2024 रोजी सकाळी ठिक 9.00 वाजत शाळेत प्रभात फेरीचे आयोजन करण्यात आले.
या मध्ये नागरिकांना ध्वजाच्या बाबतीत वचनबद्ध होण्यासाठी प्रोत्साहित करून सामुदायिक स्वच्छता व प्रतिज्ञा घेण्याचे उपक्रम आयोजित करण्यात आले व हर घर तिरंगा प्रतिज्ञा घेण्यात आली . तसेच शूरवीर आणि स्वातंत्र्य सैनिक यांचा व त्यांच्या कुटुंबीयांच्या यशोगाथा टी व्ही वर दाखविण्यात आल्या .त्यामुळे मुलांना देशभक्ती देशासाठी बलिदान दिलेल्या शुरवीरांच्या यशोगाथा अनुभवता आल्या.तसेच भारत माता की जय , गली गली में नारा है हिंदुस्तान हमारा है,भारत आमचा प्राण तिरंगा त्याची शान ,जयघोष स्वातंत्र्यादिनाचा उत्सव हा देशभक्तीचा अशा पद्धतीने मुलांनी हातात बॅनर घेऊन राष्ट्रीय एकात्मतेचा व देशभक्तीचा संदेश दिला.
या कार्यक्रमाचे आयोजन मुख्याध्यापक प्रताप शिरसट सर व उपक्रमशील शिक्षिका जुबेदा पठाण यांनी केले.या वेळी अंगणवाडी सेविका सुनिता सोनवणे व मदतनीस कल्पना जाधव मॅडम उपस्थित होत्या.
