वडाळा महादेव [ वार्ताहार ]
तालुक्यातील वडाळा महादेव येथील श्री छत्रपती शिवाजी विद्यालयात महावाचन उत्सव राबविण्यात आला विद्यालयातील सर्व विद्यार्थ्यांना अभ्यासाव्यतिरिक्त ग्रंथालयातील कथा ,कादंबरी , गोष्टीची पुस्तके देण्यात आली.
यावेळी विद्यालयाचे मुख्याध्यापक श्री डी एन माळी सर यांनी विद्यार्थ्यांना वाचनाचे महत्त्व सांगितले जीवनामध्ये पुस्तके कशी उपयुक्त आहेत व वाचन कसे करावे हे सांगितले वाचनामुळे आपल्या बुद्धीला चालना मिळते.
वाचाल तर वाचाल ! या म्हणीप्रमाणे वाचनामुळे आपण समाजाजवळ जातो व समाज आपल्याजवळ येतो .विद्यार्थी हा समाजामध्ये व कुटुंबामध्ये जीवन जगताना त्याला सर्व प्रकारचे ज्ञान प्राप्त होते.
याप्रसंगी विद्यालयाचे वरिष्ठ शिक्षक बाळासाहेब कसार सर ग्रंथपाल श्री जमधडे सर तसेच सर्व शिक्षक शिक्षकेतर सेवक वृंद, बी . एड . महाविद्यालयाचे छात्रशिक्षक उपस्थित होते . विद्यालयाच्या मैदानावर उपक्रमाचे नाव विद्यार्थ्यांच्या साहाय्याने तयार करण्यात आले होते . वाचलेल्या पुस्तकांचे सारांश - लेखन करून कार्यक्रमाची सांगता झाली.
आभार श्री कसार सर यांनी मानले
