प्रकाश मुंडे/बीड जिल्हा प्रतिनिधी:-
केज शहरातील सर्व गणेश मंडळे व महालक्ष्मी सजावट करणाऱ्या सर्व माता भगिनींना कळविण्यात येते की, वसुंधरा सेवा प्रतिष्ठान व आ.नमिता मुंदडा यांच्या वतीने प्रतिवर्षाप्रमाणे याही वर्षी गणेश विसर्जन मिरवणूक स्पर्धा व महालक्ष्मी आरास देखावा स्पर्धेचे आयोजन करण्यात आलेले आहे.
या स्पर्धेच्या माध्यमातून सर्व नागरिक बंधू-भगिनींना सामाजिक संदेश मिळेल . त्याचबरोबर महालक्ष्मी आरास देखावा तयार करणाऱ्या माता-भगिनींच्या कलात्मक दृष्टीला व्यासपीठ निर्माण होईल. या स्पर्धेसाठी विविध पारितोषिके ठेवण्यात आलेली असून केज शहरातील सर्व गणेश मंडळे व महालक्ष्मी आरास देखावा तयार करणाऱ्या सर्व माता-भगिनींनी या स्पर्धेमध्ये सहभाग नोंदवावा असे आवाहन आ.नमिता मुंदडा यांनी केले आहे.तरी जास्तीत जास्त गणेश मंडळांनी व महिला भगिनींनी या स्पर्धेत भाग घ्यावा असे आवाहन वसुंधरा सेवा प्रतिष्ठान आंबेजोगाई व आमदार नमिता मुंदडा, तसेच ज्येष्ठ नेते नंदकिशोर मुंदडा यांनी केले आहे.
