श्रीरामपूर / प्रतिनिधी:
तालुक्यातील हरिगांव येथील मतमाउली चर्चमध्ये आई मारिया देवाची देणगी या विषयावर यात्रापूर्व नोव्हेनाप्रसंगी महागुरुस्वामी औरंगाबाद रा.रे.डॉ बर्नाड लान्सि पिंटो यांनी प्रतिपादन केले की, माता मारीयेचा जन्म झाला,माता मारियाच्या उदरी प्रभू येशूचा जन्म झाला.प्रभू ख्रिस्त स्वत: तिचा पुत्र त्याने मानवी शरीर धरण करून आमच्यासारखा मनुष्य झाला.त्याचा जन्म हा परमेश्वराने ही मोठी देणगी आम्हाला दिलेली आहे.
पवित्र मरिया ही फक्त येशूची माता नसून ती सर्वांची आई म्हणून तिला घोषित करण्यात आले. ख्रिस्त दु:खात असताना त्यावेळी घोषणा केली.त्या दिवसापासून नवीन नाते जुळले.मरिया येशूची आई होती सर्वांची आई होती.परमेश्वराने आपल्याला देणगी दिल्याने आज आपण तिचा गौरव करण्यासाठी उपस्थित आहोत, प.मारीयेच्या जीवनात खूप कष्ट आले तरीसुद्धा तिने सहनशीलतेने हे सर्व सहन केल्या.जे तिच्या वाटेवर आले दु:ख व सुख या सगळ्यांना तिने हृदयात ठेवले.ती म्हणाली माझ्यासमोर प्रभू येशू मरत आहे, दु:ख भोगत आहे,मी काहीच करू शकत नाही.मी असहाय्य आहे.प्रभू येशू मरण पावल्यावर तिने आपल्या हातात निर्जीव शरीर घेतले त्यावेळी तिला प्रश्न पडला असेल माझ्या जीवनात असे का? तिने निराश न होता एक पाउल पुढे उचलला.सर्व शिष्य निघून गेले त्यांना पुन्हा एकत्र आणले.आणि त्यांचे बरोबर संभाषण करून नवीन कृत्य केले ते म्हणजे परमेश्वराला आपण मान खाली वाकून खरोखर देवाचा गौरव करावा.कारण देवाची जी योजना आहे ती पूर्ण होणार आहे. आपल्या जीवनात दु:ख कष्ट येतात कारण त्याच्यातून मार्ग आपल्याला दिसून येतो.आज बालिका दिवस आहे पवित्र मरीयाचा जन्म दिवस आहे.आज बालिका दिवस साजरा करीत असताना किती कन्यावर,बालकांवर अन्याय होतो.तरून पिढीवर अन्याय होतो तरी सुद्धा या अन्यायाविरुद्ध आपण लढत असताना त्याचा सामना करण्यासाठी धैर्य परमेश्वर आपल्याला देत आहे. परमेश्वरी कृपा आपल्यावर असो,त्यासाठी प्रभूच्या सानिद्ध्यात राहू.
आजच्या नोव्हेना प्रसंगी प्रमुख धर्मगुरू फा डॉमनिक रोझारिओ,फ्रान्सिस ओहोळ, आदी धर्मगुरू सहभागी होते.पवित्र मारियाचा जन्मदिवस असल्याने महागुरुस्वामी यांच्या हस्ते केक कापून वाढदिवस साजरा करण्यात आला. ज्याचा वाढदिवस पण आहे त्यांचा पण केक कापून साजरा झाला.यावेळी ५ फुट मेणबत्ती एका भाविकाने दिली तिचे पण यावेळी उद्घाटन करण्यात आले असल्याची माहिती आयोजकांतर्फे देण्यात आली आहे.
*वृत्त विशेष सहयोग
ज्येष्ठ पत्रकार बी.आर.चेडे, शिरसगांव
*संकलन*
समता न्यूज सर्व्हिसेस, श्रीरामपूर -९५६११७४१११
