श्रीरामपूर / प्रतिनिधी:
मुख्यमंत्री एकनाथराव शिंदे यांनी डॉ.बाबासाहेब आंबेडकर सामाजिक विकास योजनेंतर्गत २०२४-२५ या वर्षासाठी श्रीरामपूर विधानसभा मतदारसंघातील विविध रस्त्यांचे डांबरीकरण, काँक्रिटीकरण व इतर विविध कामांसाठी सुमारे ५ कोटी रुपयांचा निधी मंजूर केल्याची माहिती माजी आमदार भाऊसाहेब कांबळे यांनी दिली.
श्रीरामपूर विधानसभा मतदारसंघातील रस्त्यांची अनेक दिवसांपासून झालेली दैनीय अवस्था दूर करून नागरिकांच्या सोईसाठी रस्ते दुरुस्तीचे काम प्रलंबित होते या पार्श्वभूमीवर माजी आमदार भाऊसाहेब कांबळे यांनी शासन दरबारी पाठपुरावा केला राज्याचे मुखमंत्री एकनाथ शिंदे,उपमुख्यमंत्री देवेंद्र फडणवीस,अजितदादा पवार व जिल्याचे पालकमंत्री ना.राधाकृष्ण विखे पाटील यांनी श्रीरामपूर विधानसभा मतदारसंघातील विविध रस्त्यांचे डांबरीकरण, काँक्रिटीकरण व इतर विविध कामांसाठी सुमारे ५ कोटी रुपयांचा निधी मंजूर केला असून त्यापैकी १० टक्के इतका निधी वितरीत देखील करण्यात आला आहे त्या बाबतचा शासन निर्णय दि.४ ऑक्टोबर २०२४ रोजी प्रसिद्ध करण्यात आला.या कामांमुळे श्रीरामपूर विधानसभा मतदारसंघातील विविध रस्त्यांचे भाग्य उजळणार आहे.
भैरवनाथ नगर येथील रस्ता काँक्रिटीकरण करणे,मातुलठाण येथे पेव्हिंग ब्लॉक बसवणे १० लाख, मौजे लाख येथील येथील रस्ता काँक्रिटीकरण करणे १० लाख,कारेगाव येथील रस्ता काँक्रिटीकरण करणे १८ लाख,टाकळीभान येथील कांबळे वस्तीकडे जाणारा रस्ता डांबरी करणे ३० लाख,टाकळीभान येथील अनिल अंकुश पासून उमेश त्रिभुवन वस्तीकडे जाणारा रस्ता डांबरीकरण करणे १ कोटी,गोवर्धनपूर येथील रस्ता डांबरीकरण करणे २५ लाख,भोकर येथील रस्ता काँक्रिटीकरण करणे २५ लाख,शिरसगाव येथील येथील रस्ता काँक्रिटीकरण करणे २० लाख ,डावखर मळा येथील रस्ता काँक्रिटीकरण करणे २० लाख ,बेलापूर येथील गोत्राचे यांचे घरापासून दायमा यांचे दुकानापर्यंतचा रस्ता डांबरीकरण करणे २० लाख,देवळाली येथील आदिनाथ वसाहत येथे पेव्हिंग ब्लॉक बसवणे ५ लाख,देवळाली येथील अंतर्गत रस्ते काँक्रिटीकरण करणे ४१ लाख, दत्तनगर येथील अंतर्गत रस्ते काँक्रिटीकरण करणे १० लाख,खिर्डी येथील रस्ते डांबरीकरण करणे २० लाख,हरेगाव येथील अंतर्गत रस्ते काँक्रिटीकरण करणे १० लाख,मुठेवडगाव येथील रस्ता डांबरीकरण करणे १० लाख, दिघी धनगरवाडी शिवरस्ता डांबरीकरण करणे २० लाख,गळनिंब येथील अंतर्गत रस्ते काँक्रिटीकरण करणे २० लाख तसेच श्रीरामपूर शहरातील प्रभाग क्र.१,२,४, या ठिकाणच्या अनेक कामांचा समावेश करण्यात आलेला आहे.सुमारे ५ कोटींचा निधी उपलब्ध करून दिल्याबद्दल माजी आ.भाऊसाहेब कांबळे व जनतेने महायुती सरकारला धन्यवाद दिले आहे.
*वृत्त विशेष सहयोग*
पत्रकार राजेंद्र देसाई - वडाळा महादेव
*संकलन*
समता न्यूज सर्व्हिसेस, श्रीरामपूर - ९५६११७४१११
