याच्या त्याच्या भरोशावर शेवटी
कुठवर तु अवलंबून राहणार ?
उठ मानवा जागा हो,तुच आहे
तुझ्या जीवनाचा शिल्पकार !!
स्वतः चा संघर्ष,स्वतः चाच फायदा !
नको कोणावर उसनवारीचा वायदा !!
जोपर्यंत फायदा तोपर्यंत राबवून घेणार !
तुझी गरज संपताच तुला सोडून देणार !!
*माझ्या बोलण्यावर कर आताच विचार !*
*तुच आहे तुझ्या जीवनाचा शिल्पकार...*
कुठवर दुसऱ्यालाच तु कमवून देणार ?
अन् स्वतःसाठी निर्णय तरी कधी घेणार?
स्वतः सक्षम हो, इतरांना सक्षम बनवं !
ते ही दोन पैसे कमावतील तु ही कमवं !!
ते ही मान, मर्यादा, प्रतिष्ठा कमवतील,
तु देखील मान,मर्यादा,प्रतिष्ठा कमवं !!
स्वतः मोठा हो दुसऱ्यांनाही मोठे कर !
मार्ग तुझ्या प्रगतीचा आजच तु धर !!
*यापुढे राहु नकोस कोणाचा वेठबिगार !*
*तुच आहे तुझ्या जीवनाचा शिल्पकार..*
सदैव त्याच्याशी तु इमानदारीनेच वागला !
अन् स्वतःला कामांत वाहून घेवू लागला !!
दिवसंरात्र नेहमी तु दुसऱ्यांसाठी राबला !
मात्र त्याने तुझ्या प्रगतीचा मार्ग दाबला !!
मनुष्य असूनही नाही तो तसा वागला !
सारखं नेहमी पैसापैसाच करु लागला !!
खुप झाले आता शेवटी कुठवर मागे राहतो !
चल उठं प्रगतीचा मार्ग तुझीच वाट पाहतो !!
तुझे परिश्रम आज सार्थकच ठरणार !
तुच आहे तुझ्या जीवनाचा शिल्पकार..
-------------------------------------------------
शब्दांकन: शौकतभाई शेख
श्रीरामपूर - 9561174111
संस्थापक / अध्यक्ष
स्वाभिमानी संपादक सेवा संघ
🌟🌟🌟🌟🌟🌟🌟🌟🌟
