भाजप महायुतीचे पदाधिकारी, कार्यकर्ते व मतदारसंघातातील माता भगिनींची खंबीर साथ यामुळे सौ.नमिता मुंदडा यांना अटीतटीची वाटणारी निवडणूक अंतिम टप्प्यात सोपी झाली आहे. लाडक्या बहिण योजनेची प्रभावी अंमलबजावणी केज विधानसभा मतदारसंघात भाजप महायुतीच्या उमेदवार सौ नमिता अक्षय मुंदडा यांनी केली आहे. यासाठी त्यांनी अनेक गावात, तसेच अंबेजोगाई व केज शहरात लाडक्या बहिण योजनेसाठी अर्ज भरून घेऊन मंजूर होईपर्यंत पाठपुरावा केला आहे. अर्ज भरून घेताना त्यात काही ञुटी राहू नये म्हणून विशेष खबरदारी घेतली गेली आहे.त्यामुळे लाडकी बहिण योजनेसाठी पात्र झालेल्या माता भगिनींची संख्या ही केज विधानसभा मतदारसंघात मोठ्या प्रमाणात आहे व या योजनेचा लाभ मोठ्या प्रमाणात या मतदारसंघातील माता भगिनींना भेटत आहे. श्रावण बाळ योजना, तिर्थक्षेत्र योजनेच्या तसेच इतर अनेक समाजोपयोगी योजनेच्या केलेल्या प्रभावी अंमलबजावणीमुळे भाजप माहायुतीच्या उमेदवार सौ. नमिता मुंदडा या केज मतदारसंघात घरोघरी पोहोचल्या आहेत.
विधानसभा निवडणुकीच्या प्रचाराच्या निमित्ताने भाजप महायुतीच्या उमेदवार सौ.नमिता मुंदडा या अनेक गावांना गाठी भेटी देत आहेत . यावेळी महिलांशी संवाद साधला जात आहे व महिलांकडून नमिता मुंदडा यांना आम्ही तुम्हालाच निवडून देणार आहोत असा विश्वास भाजप महायुतीच्या उमेदवार सौ. नमिता मुंदडा यांना दिला जात आहे.
