प्रकाश मुंडे /बीड जिल्हा प्रतिनिधी :-
केज मतदारसंघात भाजप महायुतीच्या उमेदवार सौ नमिता अक्षय मुंदडा यांना विजयी करण्यासाठी त्यांचे सासरे व भाजपचे जेष्ठ नेते नंदकिशोर मुंदडा यांनी तगडी यंत्रणा केज विधानसभा मतदारसंघात कामाला लावली आहे. या मतदारसंघातील प्रत्येक गावात नंदकिशोर मुंदडा यांना मानणारा मोठा वर्ग आहे. विरोधक असो की स्वकीय सर्वांच्या सुखदुःखात सामील होणारा व सगळ्यांच्या अडचणीत मोलाचं सहकार्य करणाऱ्या नंदकिशोर मुंदडा यांना जनता सुद्धा हक्काने आम्ही तुम्हालाच नमिता मुंदडा यांना मतदान करू असा विश्वास देत आहेत.
अंबेजोगाईच्या सरकारी हॉस्पिटलमध्ये कोणी ऍडमिट असेल ,गावातील लाईटचा प्रॉब्लेम असेल, डीपी जळाला असेल आणि हे काम करण्यासाठी अगदी विरोधकांना देखील ज्यांची आठवण येते विरोधक जरी असला तरी अडचणीत आहे हे ओळखून मदतीसाठी अहोरात्र धावून येणारे व्यक्तीमत्व म्हणजे नंदकिशोर मुंदडा, त्यांच्या या स्वभावामुळे भाजप महायुतीच्या उमेदवार सौ.नमिता अक्षय मुंदडा यांचा विजय सुकर झाला आहे.
भाजप महायुतीचे कार्यकर्ते देखील प्रत्येक बुथवर कमीत कमी चारशे मतदान भाजप महायुतीच्या उमेदवार सौ.नमिता मुंदडा यांना कसे होईल यासाठी मेहनत घेतांना दिसत आहेत.
त्यामुळे लोकनेत्या आमदार पंकजा मुंडे, माजी खासदार प्रितमताई मुंडे, जेष्ठ नेते नंदकिशोर मुंदडा व त्यांच्या तगड्या यंत्रणेमुळे भाजप महायुतीच्या उमेदवार सौ.नमिता मुंदडा यांना विजयाचा गुलाल लागणार आहे अशी चर्चा केज विधानसभा मतदारसंघात ऐकायला मिळत आहे.
