पैठण / प्रतिनिधी:
तालुक्यातील जायकवाडी उत्तर येथील शाहू विद्यालयाचे विद्यार्थी प्रिय सहशिक्षक अय्युब पठाण यांना मुंबईच्या दादर-माटुंगा येथील वंदना प्रकाशनाच्यावतीने २०२४ चा उत्कृष्ट वाङमय निर्मितीच्या पुरस्कारासाठी यंदा मराठवाडयाचे प्रसिध्द बाल साहित्यिक श्री. अय्युब पठाण लोहगावकर यांच्या बालकांसाठी सुसंस्कारीत व आशयघन तथा दर्जेदार असलेला " ज्ञानपोई " या बालकवितासंग्रहाला राज्यस्तरीय रौप्य महोत्सवी आशिर्वाद बालसाहित्य पुरस्कार जाहीर झाला आहे. असे वंदना प्रकाशन संस्थेचे संस्थापक अध्यक्ष व संयोजक डॉ. सुनील सावंत यांनी अय्युब पठाण यांना पत्राद्वारे नुकतेच कळविले आहे.
या पुरस्कारासाठी संपूर्ण महाराष्ट्रातून २४० पुस्तके आलेली होती. त्यातून पुरस्कार निवड समितीने उत्कृष्ठ वाङमय निर्मितीच्या रौप्य महोत्सवी आशिर्वाद बालसाहित्य पुरस्कारासाठी अय्युब पठाण लोहगावकर यांची " ज्ञानपोई '' या बाल कवितासंग्रहाची निवड करण्यात आली आहे. लवकरच मुंबई येथे होणाऱ्या पुरस्कार सोहळ्यात मान्यवरांच्या हस्ते कवी अय्युब पठाण यांना राज्यस्तरीय रौप्य महोत्सवी आशिर्वाद बाल साहित्य पुरस्कार अय्युब पठाण यांना सन्मानपूर्वक प्रदान करण्यात येणार आहे.
*संकलन
समता मीडिया सर्व्हिसेस श्रीरामपूर - 9561174111
