रामभाऊ आवारे / निफाड:
अखंड महाराष्ट्रभर वारकरी संप्रदायाचा प्रचार प्रसार करणाऱ्या अध्यात्मिक विचार सर्वसामान्य पर्यंत पोहोचून ज्ञानोबा तुकोबारायांची थोरवी समजली जावी या उद्देशाने ह भ प निलेश कोंडे महाराज देशमुख (आळंदीकर) यांनी स्थापन केलेल्या वारकरी मंच महाराष्ट्र राज्य प्रदेश उपाध्यक्ष ह.भ.प. मधुकर महाराज जाधव (आगाशिवनगर) सातारा यांना त्यांच्या वारकरी संप्रदायातील कार्याची तळमळ लक्षात घेता भारतरत्न सरदार वल्लभ भाई पटेल हिंदू रत्न पुरस्कार मान्यवरांच्या उपस्थितीत देऊन सन्मानित करण्यात आले आहे.
डॉ.मणिभाई मानवसेवा ट्रस्ट निती आयोग संलग्न भारत सरकार संस्थेच्या वतीने सरदार वल्लभभाई पटेल जयंती व राष्ट्रीय एकात्मता दिन तसेच सरदार वल्लभभाई पटेल यांच्या जीवनावर आधारित मार्गदर्शन राज्यस्तरीय मेळाव्याचे आयोजन करण्यात आले होते,
सदर कार्यक्रमात वारकरी मंच महाराष्ट्र राज्याचे प्रदेश उपाध्यक्ष ह.भ.प.मधुकर महाराज जाधव यांना भारतरत्न सरदार वल्लभभाई पटेल हिंदू रत्न पुरस्कार देऊन सन्मानित करण्यात आले. हा कार्यक्रम ज्ञानज्योती सावित्रीबाई फुले स्मारक सभागृह लोहिया नगर भवानी पेठ पुणे येथे पार पडला.संस्थेचे ३० वे वर्ष आहे असे ट्रस्टचे संस्थापक अध्यक्ष ज्येष्ठ समाजसेवक प्रवचनकार रविंद्र भोळे यांनी सांगितले.
ह.भ.प. मधुकर महाराज जाधव यांना भारतरत्न सरदार वल्लभभाई पटेल हिंदू रत्न पुरस्कार प्राप्त झाल्याबद्दल वारकरी मंच महाराष्ट्र राज्य संस्थापक अध्यक्ष हभप निलेश कोंडे महाराज देशमुख आळंदीकर, प्रदेश प्रसिद्धी प्रमुख पत्रकार रामभाऊ आवारे सर, प्रदेश संघटक शरद आढाव, ह.भ.प. दिलीप महाराज पाटील, ह.भ.प. नामदेव महाराज पिचुर्ले यांच्यासह सांप्रदायिक क्षेत्रातील सर्वांनी अभिनंदन केले आहे.
*संकलन
समता मिडिया सर्व्हिसेस, श्रीरामपूर - ९५६११७४१११
