शिर्डी प्रतिनिधी : (संजय महाजन)
सामाजिक बातमी
प्राथमिक आश्रम शाळा वाळंबा (H) पोस्ट मोरंबा ता. अक्कलकुवा जि.नंदुरबार मूळ धनुर ता.जि.धुळे येथील रहिवाशी कांतीलाल भाईदास चौधरी हे अत्यंत जिद्दी,महत्त्वकांक्षी, प्रामाणिक,दयाळू व निष्ठावंत आहेत.एक निर्मळ, प्रेमळ, उदार व्यक्तिमत्व म्हणून त्यांची ख्याती आहे.तांत्रिक अडचणींना नजुमानता,प्रत्येक विद्यार्थी शिकला पाहिजे.प्रत्येक विद्यार्थ्यांच्या बौद्धिक,मानसिक, शारीरिक विकास झाला पाहिजे. हा प्रामाणिक हेतू समोर ठेवून समाजहित सांभाळले,देशात सुजान नागरिक बनवण्यासाठी विद्यार्थी घडविले म्हणून त्यांच्या उल्लेखनीय कार्याची दखल घेऊन आदर्श गुरुजन पुरस्काराने सन्मानित करण्यात आले.
दिनांक ७/२/२०२१ रोजी त्यांच्या कार्याची दखल घेऊन आदिवासी विकास संघाच्या वतीने त्यांना आदर्श शिक्षक या पुरस्काराने सन्मानित करण्यात आले आहे. त्यांना आदर्श गुरुजन पुरस्कार प्राप्त झाल्यामुळे आदिवासी विकास संघाचे संस्थापक अध्यक्ष प्रा.मोतीलाल सोनवणे व त्यांच्या पदाधिकाऱ्यांनी त्यांच्या सत्कार केला.
