शासकीय वैद्यकीय महाविद्यालयाच्या तज्ज्ञ डॉक्टरांचे मार्गदर्शन.
जळगाव (प्रतिनिधी) : जिल्हा आपत्ती व्यवस्थापन प्राधिकरणद्वारा गुलियन बॅरो सिंड्रोम (जीबीएस) आजाराची सद्यस्थिती व पुर्वतयारी प्रशिक्षण कार्यशाळेचे आयोजन करण्यात आले आहे. ही कार्यशाळा दि. ३१ जानेवारी रोजी नियोजन भवन समिती सभागृह, जिल्हाधिकारी कार्यालय, जळगाव येथे पार पडणार आहे.
या कार्यशाळेत जीबीएसचा परिचय आणि साथीचे रोग या विषयावर शासकीय वैद्यकीय महाविद्यालय व रुग्णालयाचे सहयोगी डॉ. पाराजी बाचेवार हे मार्गदर्शन करतील. जीबीएसचे इटिओपॅथोजेनेसिस, क्लिनिकल वैशिष्ट्ये आणि प्रकार या विषयावर न्यूरोलॉजिस्ट डॉ. गोपाळ घोलप तर बालरोग तज्ज्ञ डॉ. कौस्तुभ चौधरी हे लोकसंख्येमध्ये जीबीएसचे क्लिनिकल सादरीकरण यावर मार्गदर्शन करणार आहेत.
जीबीएसचे निदान, विभेदक निदान, मूल्यांकन आणि उपचार यावर न्यूरोलॉजिस्ट डॉ अभिजित पिल्लई हे, जीबीएससाठी उच्च दर्जाचे उपचार या विषयावर नेफ्रोलॉजिस्ट सहायक प्रा. डॉ. अमित भंगाळे, जीबीएसच्या गुंतागुंत यावर सहाय्यक प्रा. डॉ. सायली पाटील, उरोरोगतज्ज्ञ डॉ. विश्वनाथ पुजारी हे जीबीएससाठी प्रतिबंधात्मक धोरणे यावर मांडणी करतील. कार्यक्रमाचे वेळापत्रक तात्पुरते आहे आणि जिल्हाधिकारी, जळगाव यांच्या सूचनांनुसार बदल होऊ शकतात. त्यासोबतच सर्व प्रेक्षकांच्या सोयीसाठी सत्र इंग्रजी आणि मराठी भाषेत वापरण्यात येणार आहे .
