नंदुरबार / प्रतिनिधी:
इस्माईल दगू जनसेवा फाउंडेशन तर्फे शनिवार दि. २५ जानेवारी २०२५ रोजी येथील अबुलगाजीनगर येथे मतदार दिन कार्यक्रम फाऊंडेशन चे संस्थापक अध्यक्ष एजाज भाई बागवान यांच्या अध्यक्षतेखाली मोठ्या उत्साहात संपन्न झाला.
राष्ट्रीय मतदार दिनाच्या निमित्ताने अबुलगाजी नगर मधील नव तरुण मतदारांना लोकशाही प्रक्रियेत सामील होण्यासाठी प्रेरित करण्यात आले तसेच ज्या ज्या मतदारांनी आपले मतदान कार्ड दुरुस्तीसाठी दिले होते त्यामध्ये दुरुस्ती करुन प्रसंगी सर्व मतदारांना मतदान कार्ड इस्माईल दगू जनसेवा फाउंडेशनचे संस्थापक अध्यक्ष एजाज भाई बागवान यांचे हस्ते वितरित करण्यात आले.
यावेळी अध्यक्षीय भाषण करताना एजाज भाई बागवान यांनी आपल्या मनोगतात सांगितले की, लोकशाहीच्या प्रबळतेसाठी आपला हक्क व आपला अधिकार बजावून देशाचे जागरूक व सुजान मतदार बनण्याचा आपण सर्व संकल्प करूयात असेही शेवटी ते म्हणाले.
यावेळी बी.एल.ओ. - ३५६ बासीत मुस्लिम खान यांनी अतिशय चांगली कामगिरी बजावत मतदारांचे मतदान कार्ड घरोघरी जाऊन वाटप केले, विशेषतः ज्या मतदारांचे घर बदलल्यामुळे पत्ते बदलले गेले होते, त्यांना शोधून त्यांचे मतदान कार्ड त्यांच्या सुपूर्द करण्यात मोठी महत्वाची भुमिका बजावली असल्याने बी.एल.ओ.- ३५६ बासित मुस्लिम खान यांचा याप्रसंगी गुलाब पुष्प देऊन सन्मान तथा सत्कार करण्यात आला.
या कार्यक्रमास प्रमुख अतिथी म्हणून हाजी कमरोद्दिन खाटीक, अब्दुररहमान पठाण, खाटीक रियाज, खाटीक मुस्तकीम, ज़क्वान काझी, तय्यब शेख, नमीर खान आदींची उपस्थिती होती.
*वृत्त विशेष सहयोग
अब्दुररहमान पठाण- नंदुरबार
*वृत्त प्रसिद्धी सहयोग
समता मीडिया सर्व्हिसेस
श्रीरामपूर - 9561174111
